Регионал ИНФО

Регионал ИНФО

АМФAКСИТИДА

АМФAКСИТИДА

Дојран е еден од најстарите градови во Македонија. Првите пишувани податоци датираат од 484 година пред нашата ера од грчкиот историчар Херодот.

Дојранско Езеро

Според него, во Езерото на наколни живеалишта, до кои се доаѓало со чунови, живееле Пеонци. Езерото било многу богато со риби. Доволно е, напишал тој навечер кошевите да се спуштат празни во водата а изутрина да се извадат полни со риба. По рспаѓањето на Римската империја, потпаѓа под Византија. Тогаш го добива името Полин.

Градот бил заземен од Турците во 1371 година во времето на Султанот Мурат I, од полковникот Евренос беј. Според легендата, била остра зима, езерото било заледено и покриено со лед. Евренос беј останал ввчудоневиден кога дознал дека неговите војски минале по заледеното езеро. На гозбата што била приредена Турците се прејале, заситиле а тоа на турски се вика Дојран. Се верува дека од тој збор настанало и името Дојран.

За време на Турско припаѓал кон Солунскиот вилает. Дојранската околија пред Балканските војни броела 35.000 жители а градот од 8.000 до 12.000, од кои 3.000 биле Турци. Градот бил многу убав. Горниот дел бил театрално расположен на височинките околу езерото, така што секоја куќа гледала кон езерото. Тој дел бил претежно населен со Турци. Долниот дел се простирал покрај Езерото и бил населен само со македонци. Имал Европски изглед. Спрема кажувањата на постарите дојранчани, долж брегот, над површината на водата, со набиени колци биле изградени кафеани од кои директно можело да се лови риба. Тие биле посебно убави и величествени навечер кога светеле со безбројните фенери. Градот имал над 300 дуќани и занаетчиски работилници.

Преку Дојран минувал камилски и карвански пат кој одел кон Струмица, Радовиш, Штип, Куманово и на север. Во средината на 19 век се отвараат позначајни работилници.