ПАРИ ЕКОНОМИЈА

ПАРИ ЕКОНОМИЈА

Проблемот „Сведмилк“ решен, млекарите ќе си ги добијат парите

Кризата со „Сведмилк“ е надмината. Најден е купувач за млекарницата. На фармерите ќе им биде исплатен половината од долгот до крајот на неделава, а останатите пари ќе ги добијат парцијално, во следните два до три месеца, рече денеска министерот за земјоделство, шумарство и водостопанство Ацо Спасеноски пред членовите на ресорната собраниска Комисија.

Macedonian Economy - „Сведмилк“

Според него, сточарите - кооперанти на „Сведмилк“ вчера потпишале договори согласно кои е дефинирано и дека сите новооткупени количини млеко ќе им се плаќаат на 15 дена.

Случајот со шведската млекарница не беше млечна криза, туку проблем на правен субјект во кој Владата не можеше да се меша. Можевме да помогнеме само од аспект на привлекување инвеститори. Тоа и го сторивме, истакна Спасеноски.

Министерството постојано ја следеше ситуацијата согласно определбата дека никој не смее да ги става фармерите во подредена положба. Така, нагласи Спасеноски, ќе биде и во иднина.

Од август досега работната група што беше формирана конкретно за овој проблем, се состана најмалку 20 пати. Во текот на тие средби бевме информирани дека „Сведмилк“ им должи 3,5 милиони евра на 2.455 фармери. Воедно бевме известени и дека се бара купувач, истакна Спасеноски.

За фармерите, проблемот со неплатеното млеко е веќе завршена работа.

Решението е речиси изнајдено. Деновиве очекуваме да се надмине 100 проценти, напомена Трајче Трајков, фармер и член на Сојузот на земјоделците, кој присуствуваше на седницата на Комисијата.

Тој ја обвини претходната Влада дека воопшто не се грижела за земјоделците, за разлика од оваа која, како што рече, обезбеди субвенции за купување механизација, за литар млеко и за грло, како и поволни кредити за опрема и стока