АКТУЕЛНО

АКТУЕЛНО

Љубе Бошкоски ја поднесе кандидатурата до ДИК
Од денеска сум независен претседателски кандидат и повторно им се ставам на располагање на мојот народ и на граѓаните на Република Македонија дека ќе ги исполнувам сите обврски што од мене се бараат во периодот што предстои - рече Бошкоски во изјавата по предавањето на потписите, при тоа додавајќи дека тие за него се завет за иднината на Македонија. Изјави дека ќе води позитивна кампања, со уверување дека изборите ќе бидат фер и демократски.

Г-дин Љубе Бошкоски е првиот независен претседателски кандидат кој својата кандидатура ја поднесе до Државната изборна комисија. Тој ги поднесе собраните 13.000 потписи и придружна документација, а ДИК за 48 часа треба да ги утврди евентуалните неправилности или пропусти.

Слаѓана Тасева се откажа од претседателската трка
Собраните потписи и вашата поддршка се нашата победа на годинешниве претседателски избори. Се надевам дека во Македонија ќе дојде времето кога ќе завладее вистинска правда, демократија и слобода. Тогаш граѓаните ќе можат слободно да ја искажат својата волја, рече Тасева, која е горда што влегла во трката за шеф на државата без поддршка од партиите.

На само еден ден пред истекот на рокот за собирање потписи, злобниците би рекле откако се увери дека не може да ги собере.